Ma’lum qilinishicha, O‘zbekistonda ayni dam muomalada bo‘lib turgan so‘mdagi pullar soni 152 mln donani tashkil qiladi.

Muomaladagi naqd pullar tarkibida ularning miqdori bo‘yicha 200 000 so‘mlik banknotlar ulushi 2024-yilda – 18,6 foizdan 23,4 foizga, 20 000 so‘mlikning ulushi – 4,4 foizdan 6,7 foizga yetgan bo‘lsa, 100 000 so‘mlik banknotlar ulushi – 42,5 foizdan 40,9 foizga, 50 000 so‘mlikning ulushi – 20,5 foizdan 16,6 foizga kamaygan.

2025-yil 1-yanvar holatiga ko‘ra, naqd pul muomalasini tashkil etishda aholiga qulaylik yaratishga qaratilgan chora-tadbirlar doirasida muomaladagi eski namunadagi banknotlarni bosqichma-bosqich qaytarib olish va ularni yangilari bilan almashtirish choralari ko‘rilgan. Natijada, 5 000 so‘mlik banknotlar tarkibida eski namunadagi banknotlar miqdori 2023-yildagi 67 foizdan 2024-yilda 25 foizga, 10 000 so‘mlik banknotlarda – 64 foizdan 24 foizga, 50 000 so‘mlik banknotlarda – 61 foizdan 25 foizga va 100 000 so‘mlik banknotlarda – 39 foizdan 18 foizga qisqargan.

Markaziy bank ma’lumotlariga tayanadigan bo‘lsak, muomalada bo‘lgan har 5 ta puldan 2 tasi (40,9 foizi) 100 000 so‘mlik banknotadir.

O‘tgan 2024-yil davomida 200 000 so‘mlik banknota 50 000 so‘mlikni quvib o‘tib, muomalada bo‘lgan banknotalar miqdori bo‘yicha ikkinchi o‘ringa ko‘tarilgan.

Ayni paytda barcha pullarning 23,4 foizi 200 000 so‘mlik hisoblanadi. Ushbu banknota muomalaga chiqarilgan ilk yilda bu ko‘rsatkich 11 foizdan biroz yuqori edi.

Inflyatsiya va aholining daromadlari oshib borishi natijasida 200 000 so‘mlik pullar ommalashishda davom etishi kutilmoqda.

• Markaziy bank
• So‘m
• pul