O‘zbekistonda nodavlat oliy ta’lim tashkilotlari soni 42 taga yetdi.
AOKAda Ta’lim sifatini nazorat qilish davlat inspeksiyasi mutasaddilari ishtirokida o‘tkazilgan matbuot anjumanida nodavlat ta’lim tashkilotlarining salmog‘ini oshirish hamda ularda ta’lim sifatini ta’minlash bo‘yicha amalga oshirilgan ishlar haqida anjumanda ishtirok etgan Xabardoz.uz muxbiri ma’lum qildi.
Bugungi kunga kelib nodavlat ta’lim tashkilotlari soni 5678 tani tashkil qilmoqda. Ulardan:

maktabgacha ta’lim bo‘yicha – 2189 ta;

umumiy o‘rta ta’limga – 300 ta;

oliy ta’lim xizmatlari bo‘yicha – 42 ta;

maktabdan tashqari ta’lim bo‘yicha 623 ta;

kadrlarni qayta tayyorlash va ularning malakasini oshirish bo‘yicha – 853 ta litsenziya rasmiylashtirib berilgan

2022- yilning o‘tgan davri mobaynida 8 ta nodavlat oliy ta’lim tashkilotiga litsenziya berilgan.

2026-yilgacha nodavlat oliy ta’lim tashkilotlar sonini 50 taga yetkazish, jumladan, 2022- yilda Navoiy, Samarqand, Surxondaryo, Qashqadaryo viloyatlari va Toshkent shahrida kamida 1 tadan nodavlat oliy ta’lim tashkilotini tashkil etish maqsad qilinganligi aytilgan.

• AOKA
• Matbuot anjumani
• Oliy ta'lim