O‘zbekistonda bugungi kunga kelib nodavlat OTMlar soni 76 ta bo‘lib, ularda 1 milliondan ortiq talaba tahsil olmoqda. Bu haqda nodavlat OTM reytingi yuzasidan tashkil etilgan matbuot anjumanida ma’lum qilindi.

Ta’kidlanishicha, sohada ba’zi muammolar yuzaga kelmoqda. Jumladan, oxirgi 5 yilda talabalar soni 3 barobarga oshsa-da, lekin professor-o‘qituvchilar soni 1,6 barobarga oshgan.

“Bu o‘z navbatida zamonaviy va chuqurlashtirilgan fanlar bo‘yicha o‘qituvchilar tanqisligi, qabul jarayonida seleksiyaga e’tiborning susayishi, oliy ta’lim standartlarining ishlamasligi kabi bir qator kutilmagan muammolarni keltirib chiqarmoqda.

Bu o‘z navbatida bitiruvchilarning o‘z yo‘nalishi bo‘yicha ishga joylashishda qiyinchilikka uchrashi, oliy ta’lim sifati tushishi va diplomga ishonch yo‘qolishi kabi jiddiy to‘siqlar paydo qiladi”,  – deyildi anjumanda.

Shuni inobatga olgan holda, “Yosh ziyokor” nodavlat ta’lim tashkilotlari uyushmasi tomonidan oliy ta’lim sifatini oshirish, ijobiy raqobat muhitini shakllantirish maqsadida nodavlat OTM reytingini ishlab chiqilgani ma’lum qilindi.

Shuningdek, nodavlat oliy ta’lim muassasalarining reytingi ham e’lon qilindi. Unga ko‘ra:

Toshkent xalqaro universiteti;

Samarqand xalqaro texnologiya universiteti;

British Management University in Tashkent.

Shu bilan birga Zarmed universiteti, Urganch RANCH texnologiya universiteti hamda Ma’mun universiteti reytingning eng quyi pog‘onalaridan o‘rin olgan.

• OTM