Olimpiya va milliy sport turlari bo‘yicha Respublika olimpiadasini o‘tkazish bo‘yicha chora-tadbirlar amalga oshirilmoqda.

Prezidentning tegishli farmoni loyihasida qayd etilishicha, Milliy olimpiada sport o‘yinlarini o‘tkazish dasturi ishlab chiqiladi. Sport o‘yinlari o‘tkaziladigan sport inshootlarining infratuzilmasi yaxshilanadi, zarur sport anjomlari bilan jihozlanadi.

Milliy Olimpiya o‘yinlarini yuqori saviyada tashkil etish, g‘olib va   sovrindorlarni tegishli mukofotlar bilan ta’minlash choralarini ko‘riladi. Milliy Olimpiya o‘yinlariga tayyorgarlik jarayoni ommaviy axborot vositalarida, jumladan, ijtimoiy tarmoqlarda keng yoritiladi.

Shuningdek, sport ta’limi muassasalarida murabbiy va mutaxassislarning malakasini oshirish ko‘zda tutilgan.

O‘zbekiston davlat jismoniy tarbiya va sport universiteti va uning filiallarida faoliyat ko‘rsatayotgan oliy ma’lumotli murabbiylarning 54 foizining hozirgi ulushi 2022-yilda 62 foizga, 2026-yilda 85 foizga yetkaziladi. O‘zbekiston davlat jismoniy tarbiya va sport universiteti va uning filiallari bitiruvchilari sport va ta’lim muassasalariga ishga joylashtiriladi.

• Farmon
• Loyiha
• Olimpiada
• Sport