O‘zbekistonda 2024-yilning yanvar-dekabr oylarida o‘rtacha oylik ish haqi o‘tgan yilning shu davriga nisbatan 17,4 foizga oshib, 5,36 mln so‘mni tashkil etdi. Bu haqda Statistika agentligi xabar berdi.

Ish haqining eng yuqori darajasi Toshkentda qayd etilib, o‘rtacha ko‘rsatkich 9,07 mln so‘mni tashkil etdi.

Ish haqining o‘sish sur’ati bo‘yicha Samarqand viloyati (+17,6 foiz), Sirdaryo viloyati (+16,7 foiz) va Toshkent (+21,4 foiz) yetakchilik qildi.

Eng yuqori ish haqi bank va sug‘urta sohalarida qayd etilib, o‘rtacha oylik daromadi 15,26 mln so‘mni tashkil etdi. Axborot texnologiyalari va aloqa, transport va saqlash sohalari ham yuqori ko‘rsatkichlarni namoyish etmoqda.

Shu bilan birga, ta’lim va sog‘liqni saqlashda ish haqining o‘rtacha darajasi respublika darajasidan past bo‘lib qolmoqda.

• Maosh
• O‘zbekiston