O‘zbekiston 2021-yilning yanvar-sentyabr oylarida xorijdan 21 109 tonna go‘sht import qilgan. Mahalliy usulda yetishtirilgan go‘sht mahsulotlari hajmi esa 1,9 mln. tonnaga yetgan. 

Davlat statistika qo‘mitasi ma’lumotlariga ko‘ra, go‘sht importi o‘tgan yilning mos davri bilan solishtirilganda 6 865 tonnaga oshgan.

2021-yilning yanvar-sentyabr oylarida O‘zbekiston eng ko‘p go‘sht import qilgan davlatlar: 
–  Belarus – 14 403 tonna;
–  Qozog‘iston – 3 220 tonna;
–  Ukraina – 2 018 tonna;
–  Rossiya – 559 tonna;
–  Moldova – 540 tonna.

Eslatib o‘tamiz, avvalroq Soliq kodeksiga qo‘shimcha kiritilgan va unga ko‘ra, 2021-yil 10-oktyabrdan 31-dekabrgacha bo‘lgan davrda go‘sht (mol, qo‘y, tovuq) mahsulotlariga realizasiya qilish bo‘yicha aylanma, shuningdek ularni O‘zbekistonga olib kirish qo‘shilgan qiymat solig‘idan ozod qilingandi.

• Import
• statistika