Bugun, 19-noyabr kuni “Pensiya jamg‘armasi faoliyati tahlili, muammo va yechimlar” mavzusida Byudjetdan tashqari Pensiya jamg‘armasi mutasaddilari ishtirokida matbuot anjumani bo‘lib o‘tdi.

Unda Pensiya jamg‘armasining joriy yil 9 oyida amalga oshirgan ishlari tahlili qilindi.

Qayd etilishicha, 4 mln. nafarga yaqin fuqarolarga har oyda pensiya va nafaqa to‘lovlari uchun oylik talabnomalarning o‘z vaqtida moliyalashtirilishi hamda oyma-oy to‘liq to‘lanishi ta’minlanib, bu maqsadlarga Pensiya jamg‘armasi hisobidan 26 trln 605,2 mlrd. so‘m va Respublika byudjeti hisobidan 2 trln 947,8 mlrd.so‘m mablag‘ harajat qilingan.

2021-yil 1-yanvar holatiga pensiya va nafaqa oluvchilarning umumiy soni 3 mln 825,2 ming kishini tashkil qilgan bo‘lsa, 2021-yil 1-oktyabr holatiga 3 mln 983 ming kishini tashkil qilib, 157,8 ming kishiga yoki 4,1 foizga ortgan. Bu esa O‘zbekistonning jami aholisi sonida 11,5 foiz ulushni tashkil qiladi (shundan, 3 548,1 ming nafari pensiya va 434,9 ming nafari nafaqa oluvchilar), deganidir.
Ma’lum qilinishicha ,2021 yil sentyabr oyida pensiyalarning bir oylik o‘rtacha miqdori 924 780 so‘mni tashkil qilgan holda 2021-yil yanvar oyiga nisbatan 111 467 so‘mga yoki 1,14 foizga ko‘paydi.

2021-yil sentyabr oyida nafaqalarning bir oylik o‘rtacha miqdori 577 812 so‘mni tashkil qilgan holda 2021-yil yanvar oyiga nisbatan 116 167 so‘mga yoki 1,25 foizga ko‘paydi. 

2021-yil yanvar-sentyabr oylarida 293 889 nafar fuqarolarga pensiya va nafaqalar muddatida tayinlanib to‘lanishi ta’minlandi (shundan, 238 311 nafariga pensiya va 55 578 nafariga nafaqa tayinlandi).

• pensiya