Mamlakatimizdagi Pensiya jamg‘armasining tuman (shahar) hududiy bo‘limlarida ro‘yxatga olingan pensionerlar va nafaqa oluvchilarning umumiy soni 1-noyabr holatiga ko‘ra 4 milliondan ortiq kishiga yetdi.

Qayd etilishicha, ularning 2,27 million nafari (56,7 foizi) ayollar hisoblanadi. Pensionerlarning umumiy sonidan: 74,1 foizi yoshga doir, 9,9 foizi nogironligi bo‘yicha, 5 foizi boquvchisini yo‘qotganlik bo‘yicha hamda 11 foizi ijtimoiy nafaqa olishadi.

Keltirilishicha, 1-sentyabrdan boshlab pensiya va nafaqalar miqdori 10 foizga oshdi va bugungi kunda ular quyidagicha taqsimlangan:
oyiga 565 ming so‘m — yoshga doir;
oyiga 622 ming so'm - nogiron bolalar uchun nafaqa miqdori;
oyiga 440 ming so‘m — zarur ish stajiga ega bo‘lmagan keksalar va mehnatga layoqatsiz fuqarolarga beriladigan nafaqa;
oyiga 440 ming so‘m - to‘liq bo‘lmagan ish stajiga qo‘shimcha to‘lovlarni hisobga olgan holda eng kam miqdordagi pensiya;
oyiga 623 ming so‘mgacha — pensiya oluvchi shaxslarga yoshi va nogironligi bo‘yicha  belgilangan eng quyi yoshga doir pensiya;
oyiga 2,75 million so‘m — 1941-1945-yillardagi urush nogironlari va qatnashchilari uchun ajratiladigan pensiya.

• pensiya