2022-yilning 1-may holatiga ko‘ra, O‘zbekistonda ro‘yxatdan o‘tgan xorijiy kapital ishtirokidagi korxona va tashkilotlar soni 14 325 tani tashkil etdi. Bu haqda Davlat statistika qo‘mitasi ma’lum qildi.

Qayd etilishicha, ulardan 13 877 tasi faoliyat yuritmoqda. Faoliyat ko‘rsatayotgan xorijiy kapital ishtirokidagi korxonalar soni o‘tgan yilning mos davriga nisbatan 1 390 taga oshgan.

Xorijiy kapital ishtirokida faoliyat ko‘rsatayotgan korxonalarning soni davlatlar kesimida qaralganda quyidagicha bo‘ldi:
Rossiya – 2 471 ta;
Xitoy – 1 984 ta;
Turkiya – 1 981 ta;
Qozog‘iston – 1 126 ta;
Koreya – 894 ta.

Shuningdek, xorijiy kapital ishtirokida yanvar-aprel oylarida yangi tashkil etilgan korxonalarning davlatlar kesimidagi soni quyidagicha:
Rossiya – 210 ta;
Turkiya – 128 ta;
Xitoy – 74 ta;
Qozog‘iston – 64 ta;
Tojikiston – 28 ta.

• Rossiya
• Xorij
• statistika