Oliy Majlis Qonunchilik palatasining navbatdagi majlisida deputatlar tomonidan “Jinoyat va Maʼmuriy javobgarlik toʻgʻrisida”gi kodekslariga oʻzgartirish va qoʻshimchalar kiritishga oid qonunni ikkinchi oʻqishda koʻrib chiqilyapti.

Unga koʻra:

– milliy, irqiy, etnik yoki diniy mansubligiga qarab bir toifa fuqarolarning boshqa toifa fuqarolardan ustunligini yoki nuqsonli ekanligini targʻib qilganlik, nikohi qonunda belgilangan tartibda qayd etilmagan shaxslar oʻrtasida nikoh tuzishga doir diniy marosimni amalga oshirganlik uchun maʼmuriy va jinoiy javobgarlik belgilash nazarda tutilmoqda.

– Qonun loyihasi bilan ikki yoki undan ortiq xotin bilan er-xotin boʻlib yashashni targʻib qilganlik, xotin-qizlar va erkaklar teng huquqliligini ochiqdan-ochiq inkor etganlik uchun maʼmuriy javobgarlik belgilanmoqda.

– jamoat tartibini saqlash boʻyicha koʻrilayotgan choralar, xususan “Xavfsiz shahar” konsepsiyasi doirasida joriy etilgan axborot dasturlarining samaradorligini yanada oshirish maqsadida jamoat joylarida shaxsini identifikatsiya qilish imkonini bermaydigan darajada yuzini toʻsgan holda boʻlganlik uchun maʼmuriy javobgarlik chorasi kiritilmoqda.

• Oliy Majlis
• Qonun
• Qonunchilik palatasi