2021-yil 3-dekabr kuni Oliy Majlis Qonunchilik palatasining navbatdagi majlisida “O‘zbekiston Respublikasining Soliq kodeksiga o‘zgartirish va qo‘shimchalar kiritish to‘g‘risida”gi qonun loyihasining muhokamasi bo‘lib o‘tgan. Shuningdek, ushbu loyihaga binoan Soliq kodeksining bir qator moddalariga qo‘shimcha kiritish qayd etilgan.
Xususan, kodeksning 337 va 452- moddalariga 2021-yil 1-oktyabrdan boshlab sement (kinker) ishlab chiqaruvchi korxonalarga belgilangan 20 foizlik foyda solig‘i stavkasini 15 foizga pasaytirish, 2022-yil 1-yanvardan boshlab esa sement ishlab chiqarishga mo‘ljallangan 1 tonna ohaktosh uchun yer qa’ridan foydalanganlik uchun soliq stavkasini ikki baravarga kamaytirish taklifi kiritilgan.
Shu bilan bir qatorda, qonun loyihasining qabul qilinishi qurilish materiallarni ishlab chiqaruvchi korxonalar hamda qurilish materiallari iste’molchilari bo‘lgan aholining daromadi oshishiga xizmat qiladi.
Xabarda keltirilishicha, mazkur loyiha yuzasi bo‘yicha qizg‘in muhokamalardan so‘ng, qonun loyihasi deputatlar tomonidan qabul qilingan.

• Narx-navo
• Sement