O‘zbekistonda “Shaharlar qulayligi” indeksini joriy qilish loyihasi konsepsiyasi ishlab chiqiladi. Bu haqida 2022-2026 yillarga mo‘ljallangan taraqqiyot strategiyasini 2022-yilda amalga oshirish bo‘yicha “yo‘l xaritasi” loyihasida so‘z boradi.

Qayd etilishicha, konsepsiyani ishlab chiqishda BMT Xabitat dasturi, xorijiy davlatlar tajribasi va tegishli imzolangan xalqaro shartnomalar va memorandumlar ko‘zda tutiladi.

Shuningdek, hududlarning bosh rejalar bilan ta’minlanganligi, arxitekturaviy dizayn-kodlar mavjudligi va ularga rioya qilinishi, infratuzilma va bino-inshootlar fondi energosamaradorligi, hududlarni ko‘kalamzorligi va obodonlashtirish darajalari, shaharlarni infrastruktura bilan ta’minlanganligini inobatga olgan holda obyektlar joylashtiriladi va loyihalashtiriladi.

Bundan tashqari, shaharlarni zonalarga bo‘lish orqali ichki hududlarni tegishli toifalarga bo‘lgan xolda baholash maqsadida 6 ta zonaga (yashash joylari, yo‘l chizmalari, ko‘kalamzorlashtirish, ma’muriy, biznes infratuzilmasi, ijtimoiy infratuzilmalar, jamoat maydonlari) bo‘linadi va ular baholanadi.

• Loyiha
• O‘zbekiston