“Eronga qarshi qattiq sanksiyalar qayta tiklandi, yadro dasturi bo‘yicha muzokaralar esa boshi berk ko‘chaga kirib qolgan. Eronlik rasmiylarning aytishicha, yuqori darajada boyitilgan uran zaxiralari vayronalar ostida qolib ketgan, ammo Isroil ular xavfsiz joyga ko‘chirib o‘tkazilgan deb hisoblamoqda”, – deya yozmoqda nashr.

Shu bilan birga, Eron uranni boyitish bo‘yicha yangi obyekt ustida ishlashda davom etayotgani taxmin qilinmoqda.

“Natijada xavfli taranglik yuzaga kelmoqda: muzokaralar to‘xtagan, Eron yadroviy dasturi haqida aniq ma’lumot yo‘q. Isroil rasmiylari uzoq yillardan beri Eronning yadroviy dasturini o‘z mavjudligiga tahdid deb bilib keladi. Fors ko‘rfazidagi ko‘plab mamlakatlarning fikricha, bu holat Isroilning Eronga yangi hujumini deyarli muqarrar qiladi”, – deyiladi NYT materialida.

“Tehron tajovuz yuz bersa, Isroil hujumiga juda keskin javob berilishi va bir vaqtning o‘zida 2000 ta raketa uchirilishidan ogohlantirdi. Eron raketa zavodlari kecha-yu kunduz ishlayapti”, — deya ma’lum qildi Eronning Xalqaro inqiroz guruhi loyihasi direktori Ali Vayez.

• Eron
• Isroil
• Urush