Bugun, 10-noyabr kuni FVV, “Hududgazta’minot” AJ hamda tegishli idoralar vakillari ishtirokida matbuot anjumani tashkil etildi.
Matbuot anjumanida qayd etilishicha, bugungi kunda Respublikada jami 7 mln 610,6 mingta gaz iste’molchilari bo‘lib, ulardan 7 mln 538,4 mingtasini aholi hamda 72,2 mingtasini yuridik iste’molchilar tashkil etadi. 

–  Mazkur iste’molchilarning qariy 4 mln. tasi tabiiy gazda hamda 3,7 mln. tasi suyultirilgan gazdan foydalanib kelmoqda. Tabiiy gaz ta’minotidagi iste’molchilarga "Hududgazta’minot" AJ balansidagi 90 669 km gaz tarmoqlari va 76 711 dona gaz taqsimlash puktlari orqali tabiiy gaz yetkazib beriladi”, deydi "Hududgazta’minot" AJ Mehnat muhofazasi va sanoat xavfsizligi bo‘limi boshlig‘i Abdusattor Qayumov.

Eslatib o‘tamiz, avvalroq 1,2 milliondan ortiq iste’molchining gaz uchun 501,6 milliard so‘m miqdordagi debitorlik qarzdorligi mavjudligi aytilgandi.

• Gaz
• statistika