AQShning Toshkentdagi elchixonasining xabar berishicha, AQSh Xalqaro taraqqiyot agentligi (USAID) Maktabgacha va maktab taʼlimi vazirligi bilan davom etayotgan Rivojlanish maqsadlari bo‘yicha grant shartnomasi (DOAG) doirasida qo‘shimcha moliyalashtirish uchun 6,1 million dollar ajratgan. 

Qayd etilishicha, mazkur mablag‘lar boshlang‘ich maktab o‘quvchilarining asosiy ko‘nikmalarini rivojlantirishga yordam beradigan dasturlarni kuchaytiradi va 8−11-sinf o‘quvchilarini ishga joylashish va kelajak iqtisodiyotida ishtirok etish uchun zaruriy tadbirkorlik va iqtisodiy ko‘nikmalar bilan taʼminlaydi.

Besh yillik DOAG shartnomasi 2019-yilda imzolangan. USAIDning O‘zbekiston taʼlim sohasiga kiritgan sarmoyalari boshlang‘ich sinflarda o‘qish va matematika ko‘nikmalarini oshirish, ingliz tilida erkin muloqot qilishni yaxshilash, axborot va kommunikatsiya texnologiyalari ko‘nikmalarini rivojlantirish va ishga joylashish ko‘nikmalarini shakllantirishga qaratilgan.

• Maktabgacha va maktab ta'limi vazirligi