Ma’lum qilinishicha, 2021-yil 1-sentyabrdan boshlab 2021-yil 31-dekabrga qadar umumiy ovqatlanish korxonalari yuridik shaxslardan olinadigan yer solig‘i va yuridik shaxslarning mol-mulkiga solinadigan soliqni to‘lashdan ozod qilinadi.

Mazkur mazmundagi qonun loyihasi (Soliq kodeksiga o‘zgartirish kiritish) deputatlar tomonidan ko‘rib chiqilib, birinchi va ikkinchi o‘qishlarda qabul qilingan.

Shuningdek, umumiy ovqatlanish korxonalariga mahalliy davlat hokimiyati organlariga ariza yubormasdan turib, soliq organlarini xabardor qilgan holda aylanmadan olinadigan soliq, foyda solig‘i, suv resurslaridan foydalanganlik uchun soliq, yuridik shaxslardan olinadigan yer solig‘i, yuridik shaxslarning mol-mulkiga solinadigan soliq va yig‘imlar bo‘yicha 2021-yil 15-avgust holatiga bo‘lgan mavjud qarzdorlikni, shuningdek, barcha soliqlar bo‘yicha jarima va penyalarni 2022-yil 1-yanvardan 1-iyulga qadar foizlarni to‘lamasdan teng miqdorlarda kechiktirib (bo‘lib-bo‘lib) to‘lash huquqi beriladi.

Xabarda berilishicha, mazkur mazmundagi qonun loyihasi (Solik kodeksiga o‘zgartirishlar kiritish) deputatlar tomonidan ko‘rib chiqilib, birinchi va ikkinchi o‘qishlarda qabul qilingan.

Eslatib o‘tamiz, avvalroq ta’lim krediti olganlarga ayrim imtiyozlar qo‘llanishi haqida xabar berilgan edi.

• O‘zbekiston
• Qonunchilik palatasi
• Soliq