O‘zbekistondagi hududlarda sanoat va infratuzilmani rivojlantirish uchun “Taraqqiyot banki” tashkil etiladi. Bu haqida 2022-2026 yillarga mo‘ljallangan taraqqiyot strategiyasinng 2022-yilda amalga oshirish bo‘yicha “yo‘l xaritasi” loyihasida so‘z boradi.

Qayd etilishicha, xalqaro moliya institutlari bilan O‘zbekiston taraqqiyot bankini tashkil etish bo‘yicha konsultativ maslahat olish rejalashtirilgan. Bankni tashkil etish bo‘yicha idoralararo ishchi guruh tashkil etiladi va takliflar ishlab chiqilishi rejalashtirilgan.

Ma’lum qilinishicha, O‘zbekiston taraqqiyot bankini tashkil etish bo‘yicha qaror loyihasi ham ishlab chiqiladi. Shundan so‘ng Prezidentning qarori qabul qilinadi.

Shuningdek, respublika hududlari va xorijiy mamlakatlar biznes vakillarini o‘zaro tashqi iqtisodiy aloqalarni o‘rnatish reja qilingan. Jumladan Sirdaryo viloyati Xitoy, Surxondaryo viloyati Rossiya hamda Jizzax viloyati Hindiston bilan investitsiya va tashqi savdo aloqalarini rivojlantiradi.

• Bank
• Loyiha