O‘zbekistonda millatlararo munosabatlar va xorijdagi vatandoshlar masalalari qo‘mitasi tashkil etiladi. Bu haqda farmonni O‘zbekiston Respublikasi prezidenti Shavkat Mirziyoyev imzoladi.

Yangi organ milliy totuvlikni mustahkamlash, millatlararo munosabatlarni uyg‘unlashtirish, jamiyatda do‘stlik va hamjihatlikni rivojlantirish bilan shug‘ullanadi. Shuningdek, u davlat organlarining xorijdagi o‘zbekistonliklar bilan hamkorlik qilish borasidagi ishlarini muvofiqlashtiradi.

Qo‘mita har yili “O‘zbekiston yagona Vatan” tanlovini o‘tkazadi, shuningdek, “vatandoshlar” jamg‘armasi bilan xorijda yashovchi o‘zbekistonliklar uchun Uz Global Think xalqaro forumini tashkil etadi.

• O‘zbekiston