2022-yilning 1-may holatiga ko‘ra, O‘zbekistonda axborot va aloqa sohasida faoliyat ko‘rsatayotgan korxonalar soni 10 859 tani tashkil etdi. Bu haqda Davlat statistika qo‘mitasi ma’lum qildi.

Qayd etilishicha, ushbu ko‘rsatkich o‘tgan yilning mos davri bilan solishtirilganda 108,6 foizga oshgan. 2022-yil yanvar-aprel oylarida axborot va aloqa sohasida 896 ta korxona yangi tashkil etilib, ularning 892 tasi kichik tadbirkorlik subyektlari hissasiga to‘g‘ri kelgan.

Quyida mazkur sohada yangi tashkil etilgan korxonalar soni eng ko‘p hududlar keltirilgan:
Toshkent shahri – 351 ta;
Samarqand viloyati – 92 ta;
Farg‘ona viloyati – 64 ta;
Toshkent viloyati – 56 ta.

• Kommunikatsiya
• statistika