Avvalroq, Rossiya Davlat Dumasi Vyacheslav Volodin Rossiyaga kelganlar rus tilini bilishi shart ekanligini aytgan edi. Volodinga O‘zbekiston Respublikasi Oliy Majlis Qonunchilik palatasi Spikerining o‘rinbosari, “Milliy tiklanish” DP MK raisi Alisher Qodirov javob qaytardi.

“So‘zsiz, Rossiyaga ishga borayotganlar rus tilini bilishlari shart, lekin bu O‘zbekistonda yashayotgan ruslarni o‘zbek tilini bilishlari shart emas degani emas!

O‘zbekistonda yashayotgan barcha millatli vatandoshlar o‘zbek tilini bilishlari shart.

Qonunlarimizda bosqichma-bosqich bog‘cha va boshlang‘ich ta’limda boshqa millatli vatandoshlarga o‘z ona tili va qadriyatlarini o‘rganishiga sharoit yaratish bilan bir qatorda, o‘zbek tili majburiy o‘rganadigan til sifatida belgilanishi kerak.

O‘zbek tilini bilmaydigan inson nafaqat davlat xizmatida ishlashi, balki davlat xizmatlaridan foydalanishi ham mumkin bo‘lmay qolishiga erishishimiz kerak”, – degan Alisher Qodirov.

• Alisher Qodirov
• Rossiya
• migrant