O‘zbekistonning Urganch va Andijon aeroportlarida bugun, 7-dekabr kuni ertalab tuman sabab ko‘rish imkoniyati yomon bo‘lgani oqibatida samolyotlar qo‘na olmadi. 
Ma'lum qilinishicha, quyuq tuman tufayli “Aeroflot” aviakompaniyasining Moskva shahridan SU-1976 qatnovini bajarayotgan samolyot sahnidagi 131 yo‘lovchisi bilan soat 06:40da Urganchga qo‘na olmagan va Nukusdagi zaxira aerodromiga yuborilgan.

Qayd etilishicha, “O‘zbekiston havo yo‘llari” aviakompaniyasining yana bir “HY053” reysi Toshkentda Urganchga uchishni kutmoqda. Jadvalga ko‘ra, bort soat 08:20 da Urganchga qo‘nishi, keyinchalik samolyot “HY053”reysi bilan Istanbulga uchishi kerak bo‘lgan. Biroq Urganch aeroportida hamon tuman kuzatilmoqda. Ko‘rish 200 metrdan 400 metrgacha yaxshilangan. Iqlimshunoslarning fikricha, tuman 11:00 dan 11:30 gacha tarqalishi kutilmoqda. Shunda uchish uchun maqbul ko‘rinish kamida 800 metrni tashkil etadi

Shuningdek, tuman Toshkentdan Andijonga bajariladigan HY091 qatnovning  ham kechiktirilishiga sabab bo‘lgan. Samolyot 08:30 da parvoz qilishi kerak edi, biroq qabul qiluvchi aeroportdagi tuman tufayli u hamon Toshkentda ob-havo yaxshilanishini kutmoqda. Tahminiy uchush vaqti - mahalliy vaqt bilan 12:00 da.

• Andijon
• Aviaqatnov
• Urganch