Oʻzbekiston Respublikasi Mustaqilligining 32 yilligi arafasida Ekologiya, atrof-muhitni muhofaza qilish va iqlim oʻzgarishi vaziri Aziz Abduhakimov tashabbusi bilan maktab oʻquvchilari uchun Qizil kitoblar chop ettirildi. Bu haqda Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi xabar berdi.

Qizil kitoblar jami 40 000 nusxada boʻlib, respublikadagi barcha umumtaʼlim maktablariga tarqatilmoqda. Xususan, bugunga qadar Xorazm viloyatida 2000 ta, Sirdaryo viloyatida 1250 ta, Jizzaxda 2050 ta, Navoiyda 1400 ta, Qashqadaryo viloyatida esa 4000 ta kitob oʻquvchilar qoʻliga yetib borgan.

Taʼkidlanishicha, Qoraqalpogʻiston Respublikasi va boshqa viloyatlarda ham oʻquvchilar Qizil kitob bilan taʼminlanadi. Bundan yosh avlodda ekologik ong va madaniyatni shakllantirish, ularga tabiatga ehtiyotkorona munosabatda boʻlishni oʻrgatish maqsadi koʻzlangan.

• Ekologiya
• Kitob
• Maktab
• Maktabgacha va maktab ta'limi vazirligi
• Qizil kitob