O‘zbekiston yanvar-noyabr oylarida 15 ta davlatdan mobil telefonlar import qilgan. Bu haqida Davlat statistika qo‘mitasi matbuot xizmati xabar berdi.

Ma’lumotlarga ko‘ra, 2021-yilning 11 oyida O‘zbekiston xorijdan qiymati 173,8 million dollarga teng bo‘lgan 2,6 million dona mobil telefon import qilgan. Shuningdek, telefon importi o‘tgan yilning mos davri bilan solishtirilganda 1,5 million donaga oshgan.

Qayd etilishicha, O‘zbekiston mobil telefonlarni eng ko‘p import qilgan davlatlar quyidagilardan iborat:

Xitoy — 88 million dollar;
Vyetnam — 68 million dollar;
Hindiston — 10 million dollar;
Qozog‘iston — 5,3 million dollar;
BAA — 1,6 million dollar;
Germaniya — 647 ming dollar;
Rossiya — 175,8 ming dollar.

• Telefon
• statistika