Tashqi mehnat migratsiyasi agentligi joriy yilning 10 oyi boʻyicha sohaga doir turli raqamlarni maʼlum qildi. 

Qayd etilishicha, agentlik tomonidan xorijda mehnat faoliyatini amalga oshirayotgan 7 ming 992 nafar mehnat migrantiga huquqiy yordam, 288 ming 352 nafariga maslahat xizmatlari, 6 ming 194 nafariga ijtimoiy yordam, 10 ming 951 nafariga moddiy yordam koʻrsatilgan.

5 ming 984 nafar mehnat migrantiga bir martalik moddiy yordam ajratilgan, 308 nafar mehnat migranti esa vaqtincha xostelga joylashtirilgan.

Keltirilishicha, xorijda vafot etgan 361 nafar fuqaro jasadi olib kelingan, 408 nafar xorijda qiyin ahvolda qolgan fuqarolar esa vatanga qaytarilgan.

Bundan tashqari, ogʻir tan jarohati olgan 12 nafar mehnat migrantining tibbiy xizmat xarajatlari qoplab berilgan.

Maʼlum qilinishicha, mehnat migrantlarining ish beruvchilar tomonidan toʻlanmay turgan qariyb 892,1 ming AQSh dollari miqdoridagi ish haqi va pullik kompensatsiyalari undirib berilgan.

• Migratsiya
• Vazirlik