O‘zbekistonliklar Mustaqillik bayrami munosabati bilan ketma-ket 4 kun dam oladi. Boisi, qo‘shimcha dam olish kunlari 2024-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risidagi prezident farmonida belgilangan.

Prezident farmoniga binoan:
31-avgust, shanba — 6 kunliklar uchun qo‘shimcha dam olish kuni, 5 kunliklar uchun odatiy dam olish kuni;
— 1-sentyabr, yakshanba — Mustaqillik bayrami;
— 2-sentyabr, dushanba — barcha uchun dam olish kuni (Mehnat kodeksining 208-moddasiga binoan bayram yakshanbaga to‘g‘ri kelsa, dam olish kuni dushanbaga ko‘chiriladi);
— 3-sentyabr, seshanba — barcha uchun qo‘shimcha dam olish kuni hisoblanadi.

Eslatib o‘tamiz, 31-avgust, shanba kuni olti kunlik ish haftasida ishlaydigan xodimlar ishdan 1 soat vaqtli ketishi mumkin. Chunki Mehnat kodeksining 187-moddasiga binoan ishlanmaydigan bayram kunlari arafasida har kunlik ishning davomiyligi barcha xodimlar uchun kamida 1 soatga qisqartiriladi.

• Mustaqillik