O‘zbekistonliklar pasportining raqamli profili yaratiladi.

Bu boradagi loyiha AKT vaziri Sherzod Shermatov tomonidan joriy yil 24-dekabr kuni Prezident ishtirokida bo‘lgan axborot-kommunikatsiya texnologiyalari sohasini rivojlantirishga oid loyihalar taqdimotida ma’lum qilindi.

Taqdimotda fuqaro pasportining raqamli profili haqida ma’lumot berildi. Unga ko‘ra, Gov Pass mobil ilovasi smartfonga o‘rnatiladi va unda pasport, diplom, mehnat daftarchasi, haydovchilik guvohnomasi kabi ko‘plab hujjatlar jamlanadi. Ya’ni, fuqaroning barcha hujjatlari doim yonida, telefonda bo‘ladi. Bu vaqt va pulni tejab, qog‘ozbozlikni kamaytirishga xizmat qiladi, ovoragarchiliklarni bartaraf etadi.

Shuningdek, Mirziyoyev taqdimotda “Xavfsiz shahar” tizimi ijrosiga doir masalalarga ham alohida e’tibor qaratdi. 2026-yilgacha bu tizimni to‘liq joriy etish vazifasini qo‘ydi. 

• Loyiha
• Pasport
• Prezident