Joriy yilning 1-sentabridan boshlab O‘zbekiston va Qirg‘iziston fuqarolari ID-kartalardan ikki davlat hududiga kirish, chiqish va ushbu mamlakatlar hududlarida harakatlanish uchun foydalanishlari mumkin bo‘ladi. Bu haqda Tashqi ishlar vazirligi xabar berdi.

Fuqarolarning oʻzaro sayohatlari toʻgʻrisidagi 2006-yildagi hukumatlararo bitimga oʻzgartirish va qoʻshimchalar kiritildi. Hujjatga oʻzgartirishlar kiritish boʻyicha bayonnomalar almashinuvi Oʻzbekiston Prezidenti Shavkat Mirziyoyevning 27-yanvar kuni Bishkekka tashrifi doirasida boʻlib oʻtdi.

“O‘zbekiston va Qirg‘iziston fuqarolari ID-kartadan foydalangan holda ikki davlat hududiga kirishi, harakatlanishi va 60 kungacha bo‘lishi mumkin. Oʻzbekiston fuqarolari chet elga chiqish uchun biometrik pasport bilan Qirgʻiziston hududi orqali boshqa davlatlarga kirishi, chiqishi va tranzit oʻtishi mumkin”, – deyiladi xabarda.

Eslatib o‘tamiz, kirish va chiqish ma’lumotlari elektron shaklda qayd etiladi.

• Chegara
• Qirg‘iziston
• Viza