Prezidentning “2022-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi Farmoni bilan o‘zbekistonliklar uchun 2022-yilda qo‘shimcha dam olish kunlari belgilandi.

Farmonga muvofiq, 2022-yilda quyidagi dam olish kunlari belgilandi:

– barcha xodimlar uchun: 3-yanvar – dushanba, 22-mart – seshanba, 23-mart – chorshanba, 11-iyul – dushanba, 2-sentyabr – juma;

– 6 kunlik ish haftasida ishlaydigan xodimlar uchun: 4-yanvar – seshanba, 4-may – chorshanba, 5-may – payshanba, 12-iyul – seshanba, 3-sentyabr – shanba va 31-dekabr – shanba.

5 kunlik ish haftasida ishlaydigan xodimlar uchun dam olish kunlari qo‘yidagicha ko‘chirildi:

– 8-yanvar – shanba 4-yanvar – seshanba kuniga;

– 7-may – shanba 4-may – chorshanba kuniga;

– 14-may – shanba 5-may – payshanba kuniga;

– 16-iyul – shanba 12-iyul – seshanba kuniga.   

• Bayram
• Farmon