“O‘zgidromet” xizmati dam olish kunlari kuzatiladigan ob-havo ma’lumotini e’lon qildi.

Dam olish kunlari beqaror ob-havo bo‘lishi kutilmoqda. Respublika hududlarida vaqti-vaqti bilan yomg‘ir yog‘adi, shimolda yomg‘ir qorga aylanadi. Yakshanba kuni yog‘ingarchilik ba’zi joylarda kuchli bo‘ladi.

Harorat biroz pasayadi, yakshanba kuni 9-14 daraja iliq bo‘ladi. 15-16 yanvar kunlari respublika bo‘yicha ba’zi joylarda shamol 17-22 metr/sekundgacha kuchayishi kutilmoqda. Buxoro, Navoiy, Samarqand, Jizzax viloyatlarining ayrim tumanlarida 25-28 metr/sekundgacha kuchayishi mumkin.

Yomg‘irli ob-havo keyingi haftaning boshida ham saqlanib turadi. Havo haroratining pasayishi davom etadi. Harorat 5-8 daraja, shimolda 3-8 daraja iliq qiymatlarga yetadi.

• Ob-havo
• O‘zgidromet