Investitsiyalar va tashqi savdo vaziri Jamshid Xodjayev ayni vaqtda Samarqand shahrida oʻtkazilayotgan “Oʻzbekiston-Vengriya” biznes forumida soʻzga chiqib, Oʻzbekistonning Jahon savdo tashkilotiga qoʻshilish jarayoni jadallashtirilishi haqida maʼlum qildi.

“Islohotlarimizning keyingi ustuvor yoʻnalishlari bu:

- qonun ustuvorligini taʼminlash;

- sud-huquq tizimini yanada isloh qilish;

- korrupsiyaga qarshi samarali kurashish;

- bank-moliya tizimlarini zamon talablariga mos ravishda takomillashtirish;

- davlat ulushi mavjud boʻlgan yirik sanoat va infratuzilma korxonalarini xususiylashtirish;

- Jahon savdo tashkilotiga qoʻshilish jarayonini jadallashtirib, uning toʻlaqonli aʼzosiga aylanish;

Shuningdek, energetika, transport, sogʻliqni saqlash va taʼlim sohalarida qoʻshma loyihalarni amalga oshirishda davlat-xususiy sheriklik mexanizmlarini joriy etishni yanada kengaytiramiz” – dedi Xodjayev.

• Forum
• Investitsiyalar va tashqi savdo vazirligi
• sammit