Markaziy bankning joriy yil 1-dekabrdagi holatidagi ma’lumotlariga ko‘ra, O‘zbekistonning xalqaro zaxiralari hajmi 34 mlrd.749,4 mln AQSh dollarini tashkil qilmoqda. 

Qayd etilishicha, O‘zbekiston Respublikasi yalpi xalqaro zaxiralari 2021-yilning noyabr oyida o‘tgan oyga nisbatan 462 mln. ya’ni 1,31 foizga kamaygan.

Shuningdek, zaxira aktivlar tarkibida monetar oltin 20,44 mlrd. dollarni tashkil etmoqda. Monetar oltin 1,23 mlrd. dollarga kamaygan bo‘lsa-da, umumiy zaxiralarning 58,82 foizi oltin hissasiga to‘g‘ri keladi. 

Iqtisodchi Otabek Bakirovning ma’lumotlariga ko‘ra, oltinning fizik hajmi kamayishi noyabrdagi qulay narx kon’yunkturasidan foydalanilib, katta miqdordagi oltin sotilishi amalga oshgan bo‘lishi mumkin.

Xususan, naqd valyuta va depozitlarning jami miqdori 13,20 milliard AQSh dollarini tashkil etmoqda. Bu esa o‘tgan oyga nisbatan 778,4 mln. dollarga ko‘proqdir. Ushbu zaxiraning 307,6 mln. dollari boshqa markaziy banklarda, Xalqaro Valyuta Jamg‘armasi (XVJ) hamda Xalqaro hisob-kitoblar banki (XHKB)da, qolgan 12,89 mlrd. dollari esa bosh ofisi xorijda joylashgan banklarda saqlanmoqda.

• Markaziy bank