Moliya vazirligi e’lon qilgan statistik ma’lumotlarga ko‘ra, 2021-yil 1-oktyabr holatiga ko‘ra O‘zbekistonning tashqi qarzi 22,7 mlrd dollarni yoki YaIMga nisbatan 34,4 foizni tashkil etdi.

Hisobotga ko‘ra, davlat tomonidan olingan tashqi qarz mablag‘lari, asosan, iqtisodiyotning asosiy tarmoqlari – energetika, transport, muhandislik, telekommunikatsiya, kimyo, ta’lim, qishloq xo‘jaligi va sog‘likni saqlash sohalarini rivojlantirishga yo‘naltirilgan.

Jumladan:

- davlat byudjetini qo‘llab-quvvatlashga – 5,6 mlrd dollar;

- elektr-energetika sohasiga – 3,1 mlrd dollar;

- energetika sohasiga – 2,8 mlrd dollar;

- transport va transport infratuzilmasiga – 2,6 mlrd dollar;

- uy-joy kommunal xo‘jaligiga – 2 mlrd dollar miqdorda sarmoya yo‘naltirilgan.

O’zbekistonning asosiy kreditorlari “uchtaligi” dan - Osiyo taraqqiyot banki (5,1 mlrd AQSh dollari), Jahon banki (3,9 mlrd AQSh dollari) va Islom taraqqiyot banki (0,9 mlrd AQSh dollari) o‘rin olgan.

• Moliya
• Tashqi qarz