“Oʻzbekneftgaz” AJ Boshqaruvi raisi Mehriddin Abdullayev topshirigʻi bilan aksiyadorlik jamiyatining Markaziy apparati hamda uning hududlardagi boshqarma va korxonalarining maʼmuriy binolarida yagona markazlashtirilgan aloqa tizimlari joriy etilmoqda.

“Oʻzbeneftgaz” AJ Axborot-kommunikatsiya texnologiyalari departamenti tomonidan yagona korporativ IP-telefon aloqa hamda yagona markazlashtirilgan videokonferensaloqa tizimlarini joriy etish boʻyicha ham bir qancha ishlar amalga oshirilib kelinmoqda.

Jumladan, “Oʻzneftgazqazibchiqarish” hamda “Oʻzneftmahsulot” maʼmuriy binolarida zamonaviy “Grandstream UCM6308” rusumli “ATS” qurilmalari hamda “Grandstream GRP2615” rusumli telefon apparatlari oʻrnatildi.

Shuningdek, “Oʻzneftgazqazibchiqarish” maʼmuriy binosi “IP-ATS” qurilmasidan Shoʻrtan neft va gaz qazib chiqarish boshqarmasi uchun raqamlar ajratildi va ishga tushirildi.

Aksiyadorlik jamiyatining Markaziy apparati joylashgan binodagi “Grandstream UCM6208” rusumli “IP-ATS” qurilmasidan esa oʻz navbatida Gazli hamda Vodiy neft va gaz qazib chiqarish boshqarmalari uchun raqamlar ajratildi.

Natijada “Oʻzneftgazqazibchiqarish”, “Oʻzneftmahsulot”, Markaziy apparatning maʼmuriy binolari, shuningdek Shoʻrtan, Vodiy, Gazli neft va gaz qazib chiqarish boshqarmalari hamda “Qumli”, “Doyaxotin”, “Xojiqazgan” konlari oʻrtasida ichki aloqa oʻrnatildi.

Yagona markazlashtirilgan videokonferensaloqa tizimini joriy etish boʻyicha kompaniyaning barcha maʼmuriy binolarida “Yealink” zamonaviy videokonferensaloqa qurilmalarini bosqichma- bosqich oʻrnatish ishlari olib borilmoqda.

• Gaz
• neft