Prezident Shavkat Mirziyoyevning g‘oyasi va tashabbusi bilan bunyod etilgan, O‘zbekistonning uchinchi renessansi poydevori hisoblangan “Uzbekistan GTL” zavodida O‘zbekiston neft va gaz-kimyosi sanoatining tarixida ilk bor sintetik yoqilg‘i mahsulotlari ishlab chiqarishi boshlandi.

Xabaringiz bor, joriy yilning 15-iyun kuni “Uzbekistan GTL” zavodida O‘zbekiston tarixida birinchi sintetik nefti ishlab chiqarilishi boshlangan edi.

Mazkur voqea respublikaning zamonaviy neft-kimyo va neft-gazni qayta ishlash sanoati rivojida yangi bosqich hamda ushbu kun O‘zbekistonda ilk bor sintetik suyuq yoqilg‘i ishlab chiqarishi boshlanganiga ramziy ma’noda tarixiy kun hisoblanadi.

Ta’kidlash kerakki, bu quvonchli voqea 2022-yilning 29-iyun kuni bilan tarixga muhrlandi. “O‘zbekneftgaz” AJ Boshqaruv raisi Mehriddin Abdullayev bugun, soat 7.30 da “Uzbekistan GTL” zavodida O‘zbekiston neft va gaz-kimyosi sanoatining tarixda birinchi sintetik GTL dizel mahsuloti ishlab chiqarilgani va ilk mahsulot olinganliginini rasman e’lon qildi.

Erishilgan kelishuvlarga ko‘ra, 5 ming tonna miqdorida ishlab chiqarilgan sintetik dizelning birinchi partiyasini Navoiy kon-metallurgiya kombinatiga yuborilishi ma’lum qilindi.

Eslatib o‘tamiz, zavodida yiliga 3,6 mlrd. metr kub tabiiy gaz qayta ishlanib, 1,5 mln tonna tayyor suyuq mahsulotlar ishlab chiqariladi. Jumladan, 307 ming tn aviakerosin, 724 ming tn dizel yoqilg‘isi, 437 ming tonna nafta, 53 ming tonna suyultirilgan gaz tayyorlanadi.

• O‘zbekneftgaz
• neft