O‘zbekiston tovar-xom ashyo birjasida Ai-80 benzini 6,3 foizga arzonlashgani haqida xabar berilgandi. “O‘zbekneftgaz” shoxobchalarda benzin narxi arzonlashganiga oid xabarlarga munosabat bildirdi.

Birja ma’lumotlariga ko‘ra, AI-80 markali avtomobil benzinning birjadagi narxi litrga o‘tkazilganda mahsulotning bir litri taxminan 5700 so‘mni tashkil qilishi qayd etilgandi. 

“O‘zbekneftgaz”ning ma’lum qilishicha, birja savdolari orqali savdoga chiqarilayotgan avtobenzin sotib olinib, iste’molchiga yetkazib berilgunga qadar (soliq, rentabellik, transport xarajatlari va boshqa xarajatlar) 6700 so‘mni tashkil etmoqda. 

Qayd etilishicha, bugungi kunda “O‘zbekneftgaz’ga qarashli UNG Petro korxonasi AYOQSHlarida 6500 so‘mdan sotib kelinmoqda. 

Jamiyat respublika hududidagi “O‘zbekneftgaz”ning barcha AYOQSHlarda benzin shu belgilangan narxda sotilishi ta’minlayotganini qo‘shimcha qilgan.

• Benzin
• Narx-navo
• O‘zbekneftgaz