O‘zbekiston hududiga 15-16 yanvar kunlari Turkmaniston orqali Eron hududidan sovuq havo oqimi kirib kelishi kutilmoqda. “O‘zgidromet” xizmati bu haqda ma’lum qildi.
Ma’lum qilinishicha, joriy yil 15-16 yanvar kunlari Turkmaniston orqali Eron hududlaridan quruq va nam havo massasi, shuningdek, Volgabo‘yi hududlaridan nisbatan sovuq havo massasi kirib keladi.

Shuningdek, respublika bo‘yicha ba’zi joylarda shamol kuchayishi kutilmoqda, jumladan, Qoraqalpog‘iston Respublikasi, Xorazm, Toshkent, Sirdaryo, Qashqadaryo viloyatlarida 17-22 metr/sekundgacha, Buxoro, Navoiy, Samarqand, Jizzax viloyatlarida 17-22 metr/sekundgacha, ayrim joylarda 25-28 metr/sekundgacha kuchayishi mumkin.

Surxandaryo, Farg‘ona, Namangan, Andijon viloyatlarida xam 18-yanvarda shamol tezligi 17-22 metr/sekundgacha kuchayishi kutilmoqda. Qayd etilishicha, 15-18 yanvarda respublika bo‘yicha vaqti-vaqti bilan yomg‘ir yog‘adi, tog‘li hududlarda yog‘ingarchilik bo‘ladi (yomg‘ir, qor), ba’zi joylarda yong‘ingarchilik kuchli bo‘ladi.

• Ob-havo
• O‘zgidromet