Turkiya Milliy mudofaa vazirligi ma’lum qilishicha, oziq-ovqat mahsulotlari bo‘lgan to‘rtta yuk kemasi Ukraina portlaridan chiqib, Istanbulga yo‘l olgan.
“Ular Ukraina portlarini tark etishdi. Kemalar Istanbul shimolida langar tashlaydi va Qo‘shma muvofiqlashtirish markazi tomonidan tekshiriladi”, - deb yozadi nashr.
Gap Italiyaga 6000 tonna kungaboqar yogʻini tashiydigan “Mustafa Necati”, Xitoyga 45 ming tonna kungaboqar urugʻini yetkazib beradigan “Star Helena”, 66 ming tonna makkajoʻxori bilan Istanbulga yoʻl olgan “Glory” va 44 ming tonna makkajo‘xori bilan Iskenderunga yetib boradigan “Riva Wind” nomli yuk kemalari haqida bormoqda.
Ukraina donining Qora dengiz portlaridan eksporti joriy yilning 22-iyul kuni Rossiya , Ukraina , Turkiya va BMT vakillari tomonidan imzolangan “mahsulot kelishuvi” doirasida amalga oshirilmoqda.
Ushbu hujjatlar to‘plami Rossiya qishloq xo‘jaligi mahsulotlari va o‘g‘itlarini jahon bozorlariga eksport qilish bo‘yicha cheklovlarni olib tashlashni nazarda tutadi.
Shuningdek, Ukraina tomonidan nazorat qilinadigan Qora dengiz portlaridan maxsus yaratilgan gumanitar dengiz yo‘laklari bo‘ylab tijorat kemalarining xavfsiz chiqishi algoritmini belgilaydi.
Ma’lumot uchun, Ukraina donasi bo‘lgan ilk kema 1-avgust kuni ertalab Odessadan jo‘nab ketdi va ertasi kuni kechqurun Istanbulga yetib keldi. U yerda Ukraina doni bo‘yicha qo‘shma muvofiqlashtrish markazi a’zolari: Ukraina, Turkiya, Rossiya va BMT vakillari ishtirokida tekshiruv nazoratidan o‘tkazilib, Livanga yo‘l oldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!