Tadbirkorlar va ishbilarmonlar harakati – O‘zbekiston Liberal-demokratik partiyasi (O‘zLiDeP)ning XI s’yezdida Shavkat Mirziyoyevni prezidentlikka nomzod sifatida ko‘rsatish to‘g‘risida qaror qabul qilindi.

S’yezdda Qoraqalpog‘iston Respublikasi, viloyatlar va Toshkent shahridan delegatlar qatnashdi.

S’yezdda shu yilning 9-iyul kuni bo‘lib o‘tadigan muddatidan ilgari O‘zbekiston prezidenti saylovida O'zLiDePning ishtiroki va saylovda partiyadan ko‘rsatiladigan nomzod masalasi muhokama qilindi.

"S’yezd delegatlari Shavkat Mirziyoyev nomzodini bo‘lajak saylovda partiya nomidan ko‘rsatish to‘g‘risida yakdillik bilan qaror qabul qilishdi", - deyilgan xabarda.

S’yezdda O‘zbekiston prezidenti lavozimiga nomzod Shavkat Mirziyoyev o‘z dasturining asosiy yo‘nalishlari haqida ma’ruza qildi.

• O‘zLiDeP
• Prezident
• saylov