Papa Frensis yakshanba kuni an’anaviy va’zidan so‘ng, Isroil va Falastinni mintaqada “o‘lim spirali” o‘sishi fonida tinch yo‘l bilan yashashga chaqirdi.

“Men ikkala hukumatni va xalqaro hamjamiyatni zudlik bilan muloqot va samimiy tinchlik izlash yo‘llarini topishga chaqiraman”, deb ta'kidladi Papa.

Papa “chuqur og‘riq bilan” Isroilning Falastindagi terrorizmga qarshi operatsiyasida o‘nta falastinlikning o‘limi va Juma kuni kechqurun Quddus yaqinidagi yettita isroillikni o‘ldirgan va yana uch kishini og‘ir jarohatlagan teraktni qabul qilganini aytgan.

Pontifikning ta’kidlashicha, “kundan-kunga kuchayib borayotgan o‘lim spirali” Isroil va Falastin xalqlari o‘rtasida ishonch va tinchlik o‘rnatilishiga to‘sqinlik qilmoqda.

• Falastin
• Isroil
• Italiya
• Rim papasi