Oʻzbekiston kinematografiya agentligi, Butunrossiya davlat kinematografiya instituti (VGIK)ning Toshkent filiali hamda “Hujjatli va xronikal filmlar studiyasi” DUK bilan hamkorlikda “Matonat maktabi” loyihasi boʻyicha filmlarni suratga olish ishlari davom etmoqda. Bu haqda Turizm va sport vazirligi xabar berdi.
Qayd etilishicha, bu jarayonda Tokio-2020 Paralimpiya oʻyinlari gʻolib va sovrindorlarining hayoti hamda sportdagi faoliyatiga doir 5 qismdan iborat hujjatli kinokartinalar yaratiladi. Loyiha doirasida “Mahoratli Husniddin”, “Elbekning gʻururi”, “Nafisaning faxri”, “Qatʼiyatli Islom”, “Oʻrnak koʻrsatgan Shohsanam” kabi filmlar tayyorlanadi.
Kuni kecha “Oʻrnak koʻrsatgan Shohsanam” nomli hujjatli filmni suratga olish ishlari boshlab yuborildi. Unda mohir suzuvchimiz, Rio-2016 Paralimpiya oʻyinlari (2 karra) hamda Tokio-2020 Paralimpiya oʻyinlari bronza medali sohibasi Shohsanam Toshpoʻlatova haqida hikoya qilinadi.
Ssenariy mualliflari – Baxtiyor Karimov, Sabohat Joʻrayeva, rejissyor – Baxtiyor Karimov, operator – Samijon Sunnatillayev, ovoz rejissyori – Shahzod Toʻxtamurodova, muharrir – Umida Yaxshiboyeva, film direktori – Ozodbek Ergashev, badiiy rahbar Hamidulla Hasanov.
Shuningdek, Oʻzbekiston kinematografiya agentligi tomonidan parallel ravishda “Mahoratli Husniddin”, “Elbekning gʻururi”, “Nafisaning faxri” hamda “Qatʼiyatli Islom” nomli hujjatli filmlarni tasvirga olish ishlari ham davom etmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!