Anchadan buyon davom etayotgan namoyishlar sabab Parij ko‘chalari chiqindi uyumlari bilan to‘lib-toshdi. Bu esa yoqimsiz hid chiqarmoqda va aholining yo‘llarda harakatlanishiga to‘sqinlik qilmoqda.

22 kun avval pensiya islohotiga qarshi boshlangan ish tashlash tufayli Parijning barcha tumanlarida chiqindilar katta miqdorda to‘planishda davom etmoqda.

Hokimlik maʼlumotlariga koʻra, hozirda olib chiqish uchun navbatda 7500 tonnaga yaqin chiqindi bor.

“Parijning o‘n yettinchi okrugi aholisi chiqindi yig‘uvchilarning pensiya islohotiga qarshi ish tashlashi tufayli to‘plangan chiqindi tog‘larini olib chiqish uchun xususiy tozalash kompaniyasiga murojaat qilishga majbur bo‘ldi”, deb xabar berdi BFMTV.

Shuningdek, mahalliy aholi vakili Polina ismli ayol yashaydigan binoda chiqindi uyumi deyarli ikki metrga yetganini ma’lum qilgan. Chiqindi tozalovchilarining ish tashlashidan ikki hafta o‘tib men chiday olmadim va xususiy kompaniyaga murojaat qilishga majbur bo‘ldim", – deydi u mahalliy OAVga bergan interviyusida.

Ilgari maishiy chiqindilarni yig‘magan tozalash korxonalari bu xizmatni o‘zlari taklif qila boshlamoqda.

"Hodisalarni bir muncha vaqt kuzatar ekanman, ish tashlashlar bo'lganida nega bu xizmatni taklif qilmaslik kerak deb o'yladim. Bizga juda ko'p qo'ng'iroqlar bo'lmoqda, ayniqsa o'tgan haftadan beri, ular ish tashlash muddati uzaytirilganini e'lon qilganidan beri", – deydi “Dr.Cleaner” tozalash kompaniyasi rahbari Yoad Atlan.

• Fransiya