Jahon sogʻliqni saqlash tashkiloti bosh direktori Tedros Gebreyesusning maʼlum qilishicha, mamlakatlar yangi pandemiya ehtimoliga tayyorgarlik koʻrishlari zarur.

Chunki soʻnggi haftalarda norka, tulki, dengiz mushugi kabi bir qator sut emizuvchilar turkumiga mansub yovvoyi hayvonlarda parranda grippi (H5N1) virusi aniqlangan.

Qayd etilishicha, 1996-yildan buyon bu xastalik yovvoyi qush va mahalliy parrandalar orasida avj olayotgan edi. Endi esa u sut emizuvchilar turkumiga mansub jonivorlarga yuqayotgani xavotirlarga sabab boʻlmoqda.

“Toʻgʻri, ushbu xastalik kamdan kam holatlarda odamlar oʻrtasida tarqalishi qayd etilgan. Ammo bu holat kelajakda ham faqat shunday davom etishini taxmin qilolmaymiz.

Shunday ekan, har qanday oʻzgarishlarga tayyor boʻlishimiz kerak. Odamlar esa infeksiyadan zararlangan va kasallikdan oʻlgan hayvonlarga yaqinlashmasliklari zarur.”, – deydi T. Gebreyesus.

JSST rahbarining COVID-19 pandemiyasi insoniyat uchun saboq boʻlishi kerakligini taʼkidlagan.

• JSST
• Parranda grippi
• pandemiya