7-aprel kuni “sherlar” Osiyo Chempionlar Ligasi-2022ning guruh bosqich bahslarini boshlaydi.

Bugun futbol bo‘yicha mamlakatimizning amaldagi chempioni Toshkentning “Paxtakor” klubi Saudiya Arabistonining Burayda shahriga uchib ketdi. “Paxtakor” markazlashgan tartibda o‘tkaziladigan guruh bosqichida “D” guruhida Qatarning “Al-Duhayl”, Eronning “Sepaxon” va pley-off bosqichi g‘olibi Saudiya Arabistonining “Al Taʼavun” klublari bilan kuch sinashadi.

“Sherlar” 1-turda 7-aprel kuni Eronning “Sepaxon” klubi bilan to‘qnash kelishadi. Jamoa bosh murabbiyi Slavche Voyneski OChL guruh bahslariga 27 nafar futbolchini jalb qildi.

Darvozabonlar – Eldor Suyunov, Sanjar Quvvatov, Aziz Isaqov, Bayram Najafaliyev,

Himoyachilar – Hojiakbar Alijonov, Shahzod Azmiddinov, Sherzod Aʼzamov, Aleksey Larin, Kamen Xadjiyev, Jasur Yoqubov, Farruh Sayfiyev, Behruz Asqarov.

Yarim himoyachilar – Odil Hamrobekov, Ikrom Aliboyev, Sardor Sobirxo‘jayev, Abbos Fayzullayev, Ruslan Roziyev, Abbos Ergashboyev, Sardor Rashidov, Hojimat Erkinov, Aziz Turg‘unboyev, Diyor Xolmatov, Oliver Sharkich, Muhammadali O‘rinboyev.

Hujumchilar – Dragan Cheran, Mirjahon Mirahmadov, Shahriyor Jabborov.

• Futbol
• O‘zbekiston
• Paxtakor