Moliya vazirligining xabar berishicha, 27-may holatiga ko‘ra, plastik kartalari orqali pensiya va nafaqa oluvchi fuqarolarning 96 foiziga 473,5 mlrd. so‘mlik mablag‘lar bank plastik kartalariga yuklab berilgan bo‘lib qolgan qismini yuklanishi nazoratga olingan.

Shuningdek, Xalq bankining joylardagi filiallari orqali naqd pul shaklida to‘lovlar sayyor kassalar orqali to‘lanishi boshlandi. Mazkur to‘lovlar joriy yil 8-iyuniga qadar yakunlanadi.

Eslatib o‘tamiz, prezident qaroriga asosan Qoraqalpog‘iston Respublikasi va viloyatlarda yashovchi yuqorida qayd etilgan toifadagi fuqarolarga har biriga — 300 ming so‘mdan, Toshkent shahrida yashovchi fuqarolarga esa — 400 ming so‘mdan moddiy yordam ajratiladi.

• Moddiy yordam
• Moliya