Bugun, 17-mart kuni soat 06:30 larda Piskent tumani hududidan o‘tgan “Toshkent -Bekobod“ avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama-qarshi yo‘nalishga chiqib ketgan. Bu haqda IIBB axborot xizmati xabar bermoqda.

Natijada Isuzu avtomobili bilan to‘qnashib yo‘l transport hodisasi sodir bo‘lgan.

Qayd etilishicha, hodisada yuk transport vositasi haydovchisi va bir nafar yo‘lovchisi olgan tan jarohatlari sababli voqea joyida vafot etgan.

Zudlik bilan voqea joyiga Toshkent viloyati SSB malakali tibbiy xodimlari, viloyat IIBB, FVB va boshqa tashkilot mas’ullari jalb etilib, YTHning barcha ishtirokchilariga birinchi tibbiy yordam ko‘rsatilgan va shifoxonaga yetkazilgan.

Hozirda ushbu voqea yuzasidan qo‘shimcha o‘rganish va zaruriy chora-tadbirlar ko‘rilmoqda.

• Toshkent viloyati
• YTH