Pokiston Isroil bosh vaziri Benyamin Netanyaxuni terrorchi deb tan olish tashabbusi bilan chiqdi. Islomobodda Pokiston hukumati va Pokistonning Tehrik-I labayk partiyasi vakillarining qo‘shma matbuot anjumani bo‘lib o‘tdi. Tadbir mamlakatni qamrab olgan G‘azoni qo‘llab-quvvatlash uchun bir haftalik norozilik namoyishlaridan so‘ng bo‘lib o‘tgan.

Matbuot anjumanida “Netanyaxu Isroilning Falastinda sodir etgan vahshiyliklari uchun javobgardir. Biz uni terrorchi deb ataymiz va xalqaro hamjamiyat Isroil Bosh vaziri Netanyaxuni terrorchi deb tan olishini talab qilamiz”, – deb ta’kidlangan.

Bundan tashqari, Pokiston G‘azo sektoriga hujum qilishda Isroilni qo‘llab-quvvatlagani uchun boykot qilinadigan kompaniyalarni aniqlash uchun qo‘mita tuzgan. Bosh vazirning siyosiy masalalar bo‘yicha maslahatchisi Rana Sanaulla shunday degan: “Qo‘mita Pokistonda Isroilni yoki falastinliklarga qarshi harbiy jinoyatlar sodir etgan kuchlarni bevosita yoki bilvosita qo‘llab-quvvatlaydigan bunday kompaniyalar va mahsulotlarni aniqlash uchun tashkil etilgan”.

Pokiston hukumati, G‘azodagi falastinliklarga 1000 tonna gumanitar yordam ko‘rsatishga va’da bergan va jarohatlangan falastinliklarni davolanish uchun qabul qilishga tayyorligini bildirgan.

Shuningdek, Pokiston falastinlik tibbiyot talabalariga stipendiya berishni rejalashtirmoqda.

Mahalliy sog‘liqni saqlash idoralari ma’lumotlariga ko‘ra, mojaro boshlanganidan beri 38 900 dan ortiq falastinlik halok bo‘lgan, ularning aksariyati ayollar va bolalardir. Yana 89 600 dan ortiq odam jarohat olgan. Birlashgan Millatlar Tashkilotining xalqaro sudi Isroilni genotsidda ayblamoqda va Rafahdagi harbiy operatsiyalarni to‘xtatishni talab qilmoqda.

• Binyamin Netanyaxu
• Isroil Madrimov
• Pokiston