Pokiston senati Turkiya prezidenti Rajab Toyyib Erdo‘g‘onni Ukraina inqirozini hal qilishdagi saʼy-harakatlari uchun Tinchlik uchun Nobel mukofotiga nomzod qilib ko‘rsatdi. Bu haqda Pokiston qonun chiqaruvchi organi qaroriga tayanib, “Anadolu” agentligi xabar berdi.

“Tinmas saʼy-harakati, har ikki tomon bilan o‘z vaqtida va samarali hamkorlik qilish tufayli Erdo‘g‘on bir o‘zi global falokatning oldini oldi”, – deya Pokiston senati spikeri Sodiq Sanjranining Norvegiya Nobel qo‘mitasiga aytgan so‘zlaridan iqtibos keltirmoqda agentlik.

Turkiya parlamenti spikeri Mustafo Sentop o‘tgan hafta Erdo‘g‘onni tinchlik bo‘yicha Nobel mukofotiga ko‘rsatish tashabbusi bilan chiqqanini aytdi. Uning taʼkidlashicha, Turkiya rahbari nomzodi “Rossiya va Ukraina o‘rtasida tinchlik o‘rnatishga qo‘shgan hissasi uchun” ko‘rsatilgan.

• Erdogʻan
• Nobel
• Tinchlik shartnomasi
• Turkiya