Pokiston sudi ayni paytda qamoqda bo‘lgan mamlakatning sobiq bosh vaziri Imron Xonga korrupsiya ishi bo‘yicha 14 yillik qamoq jazosini tayinladi. Shuningdek, sud uning rafiqasi Bushra Bibini ham yetti yilga ozodlikdan mahrum qildi.

Xon 2022-yilda bosh vazir lavozimidan ketganidan keyin unga nisbatan beshinchi hukm o‘qildi. U ilgari korrupsiya, davlat sirlarini oshkor qilish va nikoh qonunlarini buzish kabi bir qator boshqa ayblovlar bilan aybdor deb topilgan. Xususan, sud Xon va Bibi musulmonlar uchun mahalliy qoidalarda belgilangan ajralishdan keyingi majburiy uch oylik muddatga rioya qilmasdan turmush qurganliklarini aniqladilar.

2024-yil dekabr oyida Xonning Adolat harakati partiyasining minglab tarafdorlari Islomobodda siyosatchini ozod qilishni talab qilib, norozilik namoyishlarini o‘tkazdilar. 

• Imron Xon
• Pokiston