Pokistonning Belujiston viloyatida musson shamollari mavsumi uchun odatiy bo‘lgan kuchli yomg‘ir tufayli mavsumiy toshqinlarning qurbonlari so‘nggi bir necha hafta ichida 186 kishini tashkil etganligi aytildi.

Viloyat favqulodda xizmatlari ma’lumotlariga ko‘ra, so‘nggi bir necha hafta ichida Belujistonda 85 erkak, 45 ayol va 56 bola yomg‘ir va toshqinlarda halok bo‘lgan, yana 75 kishi jarohat olgan.

Shuningdek, yomg‘ir va toshqinlar 23 mingdan ortiq qoramol va parrandalarni yo‘q qildi, 18087 uyni vayron qildi va viloyatdagi 16 ta ko‘prikka zarar yetkazdi deyiladi xabarda.

Ma’lumotlariga ko‘ra, butun mamlakat bo‘ylab iyul va avgust oylarining bir qismida mavsumiy yomg‘ir va toshqin qurbonlari soni 700 dan oshgan.

2022- yilda Janubiy va Janubi-Sharqiy Osiyoda musson yog‘ingarchiliklari me’yordan 30-40 foizga oshib Pokiston, Hindiston, Shri-Lanka, Kambodja, Laos, Veytnam, Tailand va Malayziya va boshqa mamlakatlarda toshqinlar va ko‘chkilar qayd etilgan.

• Pokiston
• suv_toshqini