Pokistonda so‘nggi 48 soat ichida kuchli yomg‘irlar oqibatida kamida 29 kishi halok bo‘lgan, 50 kishi jarohatlangan. Bu haqda mamlakat rasmiylari yakshanba kuni OAVga ma’lum qilishgan.

“Yomg‘irlar bir necha uyning qulashiga olib keldi va yomg‘ir sabab bo‘lgan ko‘chkilar, ayniqsa, mamlakat shimoli-g‘arbidagi Xayber-Paxtunxva viloyatida transport harakatini to‘sib qo‘ydi”, – deydi rasmiylar.

Payshanba oqshomidan beri Xayber-Paxtunxva viloyatida yomg‘ir bilan bog‘liq hodisalarda 23 kishi, mamlakatning janubi-g‘arbidagi Balujiston viloyatidagi suv toshqini tufayli esa 5 kishi olamdan o‘tgan.

• Pokiston
• yomg‘ir